minOptiker

Öber eus

Chom zu eus

Nemm Kontakt met eus uf

minOptiker esch din Optiker us de Region, dini Aliege wärde met veu Härzbluet behandlet. Denn jedes Aug esch einzigartig und verdient eusi volli Ufmerksamkeit.
Vo Sonnebrille und Kontaklinse bis zu eusne säuber produzierte Brille findsch du be eus aues.

Öffnigszyte:
Ziischtig-Fritig: 08:30-12:00 | 13:30-18:30
Samschtig: 08:30-16:00

Hesch Froge a minOptiker oder wettsch öppis loswärde, denn mäld di ungeniert.
E-Mail: hoi@minoptiker.ch
Telefon: 062 771 18 16
Termin abmache

Euses Team

Christopher Röthlisberger

Sigrid Eichenberger

Nicole Schmid

Euses chline, aber starche Team be minOptiker stoht der be jedem Aliege zur Verfüegig.
Mer nähmd eus gärn Zyt för de, wöu eus eusi Chond:inne am Härze legge.

De Stöfi esch z Gondischwiu ufgwachse und kennt drom d Region beschtens. Nach es paar Joor Bruefserfahrig as Augenoptiker EFZ het er 2013 sini Wiiterbildig zom Optometrischt BSc abgschlosse. 2025 het er sech met minOptiker si Troum vo de Säubständigkeit erföllt. D Kollektion miniBrille stellt er eigehändig här. So esch jedi Brille es Unikat.

Arbetstäg: Ziischtig bes Samschtig

D Sigrid esch glerti Augenoptikeri EFZ und het öber 20 Joor Bruefserfahrig. Zletscht esch si be Optik Tschudi tätig gsi. D Sigrid esch Meischteri im Apasse vo Brille. Si liebt d Arbet i de Wärchstatt und de Chondekontakt. D Sigrid esch sässhaft am schöne Hallwilersee.

Arbetstäg: Ziischtig, Mettwoch, Fritig, Samschtig

D Nicole chonnt ursprönglech us em Kanton Solothurn. Si läbt sed 2007 met erer Familie im schöne Seetal. Riinech kennt si bereits guet, wöu si do vo 2007 - 2012 scho e Filiale gleitet het. Si esch glerti Augenoptikeri EFZ, Augenoptikermeischteri HFP und Funktional Optometrischtin. 2023 het si eri eiget Praxis för Visualtraining z Seon eröffnet

Arbetstäg: Ziischtig, Donnschtig, Fritig

Euses Brilleagebot

Chinder- und Jugendbrille

Färnbrille/Wellnessbrille

Arbetsbrille

Gleitsichtbrille

Hornbrille (miniBrille)

Sonnebrille

Autofahrbrille

Sportbrille

Schutzbrille

Be eus chasch du vomene grosse Agebot a verschiedene Brille profitiere.
För jedi Aktivität hämmer di passendi Brille.

Jungi Auge verdiene bsonderi Ufmerksamkeit. Drom semmer met de neuschte Grät usgstattet, um s Augewachstum z beobachte und s met geeignete Produkt z stüüre (Myopie-Management). Um Chind und Jugendlechi guet abzdecke, hämmer Sonderagebot för Chind und Jugendlechi und gwähre mer Uszbildende 10% Rabatt.

De Märt esch so vielfältig wie d Sehaforderige. Us dem Grund führe mer es breits Spektrum vo unterschiedleche Gläser: unzerstörbari Gläser, Blauliecht-Filter, Wellness-Optik bes zo de perfekt of d Chond:inne zuegschnittne Gläser.

Eis, zwöi oder drü Bildschirm, wo me scharf sött gseh, ohni dass de Nacke debii weh tuet. För das send d Arbetsbrille konstruiert. Aber ned jede Arbetsplatz esch gliich. Bring es Foti vo dim Arbetsplatz met, de finde mer di perfekti Lösig för di.

De Allrounder, wenn d Arm z chorz wärde. Be dem Produkt gets di gröschte Unterschied, wöu jede Mönsch individuell esch. Lass di vo eus berote und freu di a diner zrogggwonnene Liechtigkeit.

Em Stöfi sini Liideschaft esch di perfekt passendi Brille. S einzige Material, wo sech för das eignet, esch Horn, wöus so agnähm wie eusi Hoor esch. D Brille us siner eigne Kollektion miniBrille send säuber härgstellti Einzelafertigunge.

Wer älter as 27 wott wärde, sött sini Auge schütze. Drom hämmer es breits Sortimänt a Sonnenbrille för Babys bes Senior:inne. Mer biete s gröschte Sortimänt a Farbe, wos ofem Märt get: Vo polarisierende Transitions Autofahrgläser bes zo de funky lollipop-farbige Gläser hämmer aues em Agebot.

Bem Autofahre hämmer di schnällscht abwächselndi Omgäbig. Ned jedes Glas esch för das geignet. Sigs, gäge d Sonne z fahre, oder sigs, znacht Auto met Vollliecht z begägne. Om die Fahrbedingige besser chönne z meischtere, send d Autofahrbrille entwickelt worde.

Wo de Sonneschutz nömme längt und de Wind unagnähm werd, chöme d Sportbrille zom Isatz. För Sport und Freizyt chöne mer es abwächsligsriichs und trendigs Sortimänt abiete.

Wenn de Funke flüügt oder s Öl sprützt und der dini Alltagsbrille z schad esch, chom zo minOptiker und lass der di gönschtige Schutzbrille zeige. Dini Auge wärdes der danke.

Kontaktlinse

Ustuschlinse

Individuallinse

Be eus findsch du näbscht Brille natürlech au Kontaklinse. Mer händ es grosses Agebot a Ustuschlinse und Individuallinse.

Kontaktlinse bstelle

Ustuschlinse send dini Helde im Alltag. Du chasch be eus zwösche Tages- und Monetslinse uswähle, euses Team cha di be diner Wahl effiziänt unterstütze.

Individuallinse send eusi massgschniderete Linse, wo perfekt zo der passe. Mer berote di au do gärn.

Härzlech willkomme be